Алӣ Боқирии Канӣ, дар гуфтугӯ бо Муҳаммад бин Абдулазиз Ал Халифӣ, муовини минтақаии вазорати умӯри хориҷаи Қатар ва ҳайати ҳамроҳ дар Теҳрон, дар бораи муносиботи дуҷониба ва низ таҳаввулоти минтақаӣ ва байналмилалӣ табодули назар кард.
Муовини сиёсии вазири умури хориҷаи Эрон бо ишора ба таҷрубаи муваффақи як сол иҳтимоми давлати Ҷумҳурии Исломии Эрон ба сиёсати ҳамсоягӣ, аз ҷумла шитобгирии равобити мумтози Теҳрон-Давҳа бавижа дар яксоли ахир, афзуд, Ҷумҳурии Исломии Эрон аз нақшофаринии муассири Қатар дар пешбурди гоми дувуми сиёсати ҳамсоягии Эрон ва иртиқои ҳамкориҳои чандҷонибаи минтақаӣ, истиқбол мекунад.
Боқирии Канӣ иҳтимом ба мавзуи Фаластинро низ вазифаи инсонӣ ва исломии ҳамаи кишварҳои минтақа баршумурд ва тасреҳ кард, пойдории ҳар тартиботи минтақаӣ дар гарави истифои ҳуқуқи миллати Фаластин аст.
Муовини сиёсии вазири умури хориҷаи Эрон бо ишора ба талошҳои Амрико ва режими саҳюнистӣ барои маҳви Фаластин аз ҷуғрофиёи сиёсии минтақа ва ҷаҳон гуфт: Фаластин калиди субот ва амнияти пойдори минтақаӣ аст, аз ин рӯ ҳар ибтикоре, ки ба ҳуқуқи миллати Фаластин бетаваҷҷуҳ бошад, омили бесуботии амнияти минтақа аст. Муовини вазири умури хориҷаи Қатар низ бо ишора ба муштаракоти таърихии ду кишвар, бар равобити ру ба рушди давлати Қатар ва Ҷумҳурии Исломии Эрон дар ҳамаи абъод такид кард.
342/
